ചേരുവകൾ :
1. മീൻ കഷ്ണങ്ങൾ - 5 ഗ്രാം
2. കുരുമുളക് - 1/2 ടീസ്പൂണ്‍
3. ഇഞ്ചി - 1 ചെറിയ കഷ്ണം
4. ഉണക്കമല്ലി - 1 ഡിസേർട്ട് സ്പൂണ്‍
5. ചുവന്നുള്ളി - 3
6. ജീരകം - അര ടീ സ്പൂണ്‍
7. വെളുത്തുള്ളി - 5 അല്ലി
8. മഞ്ഞൾ പൊടി - അര ടീസ്പൂണ്‍
9. തക്കാളി - 2
10. പുളി - പാകത്തിന്
11. എണ്ണ - 1 ഡിസേർട്ട് സ്പൂണ്‍
12. ഉപ്പ് - പാകത്തിന്
13. കറിവേപ്പില - 2 കതിർപ്പ്
14. പച്ചമുളക് - 4
തയ്യാറാക്കുന്ന വിധം :
മല്ലിയും ജീരകവും പ്രത്യേകം മൂപ്പിചെടുക്കണം . ഇവയും കുരുമുളക് , ഇഞ്ചി , പച്ചമുളക് , ചുവന്നുള്ളി , വെളുത്തുള്ളി എന്നിവയും അരച്ചെടുക്കണം.തക്കാളി ചൂടുവെള്ളത്തിലിട്ട് തൊലി കളഞ്ഞെടുത്ത ശേഷം പ്രത്യേകം അരയ്ക്കണം . അരച്ച ചേരുവകളെല്ലാം പുളി പിഴിഞ്ഞ വെള്ളത്തിൽ കലക്കുക.
ഒരു പാത്രത്തിൽ എണ്ണയൊഴിച്ച് ചൂടാക്കുമ്പോൾ ചെറുതായി അരിഞ്ഞ കുറച്ചു ചുവന്നുള്ളിയിട്ട് മൂപ്പിച്ചു വാങ്ങുക. ഇതിൽ കലക്കിയ മസാല വെള്ളം ഒഴിക്കുക. അതിൽ മഞ്ഞൾപ്പൊടിയും ഉപ്പും കറിവേപ്പിലയും ചേർത്തതിനു ശേഷം മീൻ കഷണങ്ങളിടുക. ഇടത്തരം തീയിൽ ഇതുവെച്ച് പാകപ്പെടുത്തുക. ചാറ് മീൻകഷണങ്ങളിൽ പിടിച്ചിരിക്കുന്ന അവസ്ഥയിൽ വാങ്ങിവെച്ചുപയോഗിക്കാം.